Noodle LAH! (已結業)

今日只系番半日，所以下晝去佔領區支持朋友。去之前食少少野，因為今日唔知會留到幾點。所以就去左Noodle LAH!食。去到既時候已經兩點幾，但都要等一等位，慶幸唔洗等好耐。我叫左個輕炒牛肉喇沙。碗喇沙好快就到，一黎到，已經聞到一陣好香既喇沙味。望一望碗麵，湯呈深黃色，有少少油浮系面頭。先飲一飲個湯，味道好濃好有質感，相信餐廳佢地應該落重料去整個湯。麵系呈雪白色，但被湯染成有少少黃色，食落唔會太軟，彈牙爽口。牛肉有四五件，但我自己感覺偏細左，但整得幾冧，索埋湯既味令牛肉更好味。一路食下，又望下間店既內在環境，算系幾寬敞同舒服，由店既落地玻璃望出去就系夏愨道天橋附近。如將來有多少少時間，相信可以坐耐少少都得。