Pokéworld (已結業)

之前成日都聽朋友講話有一款壽司飯唔係嚟自日本嘅而係你知夏威夷，所以就上網check左係乜嘢名堂。竟然俾我發現到原來佢叫做poke bowl, 即係將一啲刺身撈埋一啲醬料而成嘅刺身飯，食落去同日本壽司飯嘅味道都有少少分別㗎！所以我就走左去上環食呢間poke bowl啦！雖然一盒飯都要$90 ，但係佢比嘅刺身份量亦都唔少，所以自己都覺得價錢算係合理。刺身食落去亦都非常新鮮，而且配埋沙律菜可以中和返醬料嘅味道，但自己食完之後，都係覺得有少少頸渴。