狂野麻神麻辣火鍋 (已結業)

夏日炎炎邊個話唔可以打邊爐？最緊要啲嘢夠好食😍今次就去咗呢一間尖沙咀呢間狂野狂神麻辣火鍋。當然一定要揀佢哋嘅招牌麻神麻辣湯，湯底辣味十足，絕對可以滿足鍾意食辣嘅人士，唔鍾意食辣都仲有其他湯底選擇添。見到佢哋嘅配菜都有好多唔同嘅選擇，自己就最鍾意食佢哋嘅九菜餃，韭菜餃皮薄而且可以吸入濃濃嘅麻辣湯底，份外惹味！另外佢哋都仲有一個特別嘅水晶寬粉，寬粉食落嘅好有口感，同埋都好吸收湯底，食到我雪雪聲😍同埋佢哋仲有個牛肉盛，好欣賞佢哋呢個有齊好多牛肉唔同嘅部位，全部都好新鮮，同埋可以食到唔同嘅口感，但每款都有牛肉嘅鮮味😍食麻辣湯底梗係要加$98叫Sapporo任飲，打邊爐梗係要飲啤酒先爽㗎啦。