陶源酒家 (已結業)

好多朋友都係年尾生日。朋友M 住在附近的盈暉臺，地點選番係美孚都係方便大家。美孚的富臨係同集團比較差的一間，名樓的水準漂忽，陶源酒家係區內最見得人的粵菜館。一行六人，四大人一小孩一幼嬰，點了個「$698 龍蝦海鮮餐（四位用）」，另加兩個餸，以及三粥一飯一汽水，埋單唔駛$1050。環境舒適，服務週到，雖不是經濟實惠，但都唔錯。「龍蝦海鮮餐」（$698 / 四位用）：有「清蒸老虎班」（以套餐而言都OK 啦！）、「上湯焗龍蝦配伊麵底」（龍蝦太細隻，無肉，加上炸得太勁，賣相麻麻。伊麵亦好乾硬，唔好味。）、「醬油脆皮雞」（好香脆多肉，好好味！）、「粒粒浸時蔬」（係魷魚粒、冬菇粒、蝦米粒等配合莧菜，味道OK。）、「原埕滋潤：椰皇燉海星烏雞瘦肉」（好味中湯，味精下得不多，甚至唔多覺。以海星為湯料，足以成為食客們的話題。我們都把玩那硬硬的海星近半句鐘！）、「鮮果拼盤」（係送的雜錦水果拼盤，種類多些少。）。另點了兩個餸：「茶香滷肉」（$68）和「香芒茶樹菇炒牛眼柳」（$68）。 「茶香滷肉」係以茶葉作香料作成的滷五花肉，猶如‘醬烤骨’般軟滑入味，豬肉燉了數小時，入口即溶，甚是惹味，相當下飯。（