岩盤牛扒ミディアムレア ステーキ (北角匯三期)

營業中

休息中

小朋友有課外活動放學已經好夜，經過商場附近見到呢間好有日本感覺嘅餐廳，食日式壽喜燒都只係$100左右，所以決定一試。雖然價錢平，但係和牛真係入口即溶，好軟滑好有牛味，配埋一大盆蔬菜同埋烏冬，一人份量食完真係超級飽。富士山飯我純粹為咗打卡，見到幾靚仔，不過個飯喺鐵板上邊煎得耐會有啲乾，牛柳原本上碟只有三成熟，不過因為我為咗影相，搞到煎得耐得滯，變咗八成，不過識食入口亦都唔會覺得好老，以幾十蚊嘅價錢嚟講，絕對超值。最驚喜係連甜品都好好味，加$28有個新鮮整嘅冬甩加雪糕，冬甩熱辣辣脆卜卜，配埋雪糕冷熱口感一齊，真係非常吸引，估唔到呢度除咗可以打卡，食物質素都咁高，最主要係價錢合理，下次要帶埋細佬一齊食。