大滿喜日本料理 (已結業)

壽司放題之前去過好多間唔同嘅放題，呢間都係第一次來，呢間嘅不同及特別之處，就係佢哋啲壽司款式特別多，魚生種類就同一般都有齊。同朋友一坐低，我哋就先叫咗好多魚生同埋壽司 ，魚生嚟到，都好新鮮而且啲蝦好大隻，啲魚生都切得好厚身，而且好甜美。 最特別之處係有好多壽司嘅款式，D款式仲喺自創嘅，好特別，而且好多好美味嘅芝士㖭！ 我同朋友都覺得佢啲壽司仲好食過元氣，而且仲係任食，超抵食！佢當然唔少得嘅係所有放題都有嘅芝麻雞翼啦！味道都係一樣，啲雞好滑身，而且芝麻好香好美味。最特別嘅係佢嗰款鰻魚芝士壽司，超好食，我一個人食咗八件，好好味 。而且後來我哋先發現原來出面自助吧，仲有好多唔同嘅海鮮同埋甜品，最後食到好飽咁離開 。