寿司大 (已結業)

開OT後去樂富行街，血拼後去呢間壽司店食晚餐，門口已經排咗十幾人，好在我一個人，好快可以入座，坐吧枱位置！可以睇到師傅整壽司！枱面最特別係咭紙筷子座！又簡單又衛生！活赤貝壽司（$34）橙色賣相靚，赤貝切成蝴蝶形，厚身爽口唔腥！群邊淺粉紅色，有咬口唔腥！好味海膽軍艦（$32）兩件軍艦，海膽唔大瓣好細，其中之一有點溶，海膽味道唔夠甘香，味道唔腥正常！紫菜好爽脆炙燒左口魚群邊壽司（$34）燒完嘅左口魚油香出晒來，魚肉滑溜！好味！三味魚子軍艦（$40）三件軍艦紫菜爽脆，蟹籽軍艦比較亂，蟹籽卜卜脆，三文魚子脹卜卜，卜卜脆，味道鮮味唔腥！另一款芝士蟹子就一般，芝士比較酸，蟹籽卜卜脆，但比芝士味掩蓋了味道！辣味三文魚溫泉蛋冷烏冬（$48）呢個後加，等了10分鐘，賣相幾靚！溫泉蛋好滑，蛋白彈牙，蛋黃味濃！烏冬係失望嘅，係粉嘅，一啲都唔彈，辣汁係泰式嗰種辣，辣度好辣，但鹹味唔夠，好單調兼唔夾日式烏冬！比普通冷麵汁仲好！配菜青瓜絲乾咗，紫菜淋咗，切粒三文魚肉肥美正常！敗筆在啲沾汁！壽司幾好，但冷烏冬個汁唔得！店員服務有禮有笑容，不過細心唔夠，好似我食冷烏冬係木盒上菜，都無比隻碗仔我沾麵之後盛住食，我要問先