鮨亭 (已結業)

第一次食呢間，因為朋友介紹，覺得唔錯，今時今日有小店做好質素唔容易，好多經營成本付擔，呢間小店都算幾好，刺身整體新鮮，角切剌身沙津好好食，酸酸地個汁幾開胃，叫咗個$380嘅壽司拼盤，有12件，件件都用心製作嘅，有傳統嘅手握壽司嘅味道。另外食咗燒牛舌都整得好好。我覺得個賣點係用心製作嘅味道。我都試咗個「甲羅燒蟹枊泡飯」味道okay, 唔係好咸，兩個人share 好啲否則可能覺得太單調。推介燒雞泡魚，有啲淡淡嘅唔知係煙燻味定炭橈香味，好食！呢個真係好推介。