大吉居酒屋 (已結業)

今次係見到團購吸引嘅食物相同唔錯嘅食評，所以少去港島區嘅我點都要試吓呀。地方幾就腳，兩個唔熟路嘅人都唔使點搵，店舖比較細，座位唔算逼但擺放食物嘅枱就比較細。一開始等咗大概二十五分鐘，跟住全部嚟得好快，食物無漏單，飲品甜品選擇多，感覺唔錯，我同朋友仔都好滿意。刺身質素唔錯，蝦有三款，帶子唔大粒但新鮮，希靈魚我覺得有驚喜，唯獨蟹腳無咩肉亦無咩味。清新沙律及前菜。最滿意係呢度嘅壽司，款式多又好味，朋友話除火炙壽司較遜色。手卷用料足，即使唔係迷你手卷亦唔會覺得好多飯。牛柳粒有少少韌，感覺無其他店乸得咁犀利。燒物中規中矩，無特別驚喜。芝士焗蠔唔錯，蠔肉細細粒，汁幾好味。雞翼外脆內嫩，炸物亦新鮮無翻炸及出油。少有嘅中式燉湯，都幾多料㗎。亮點之一，回本嘅Movenpick同haagen-das雪糕唔係每人一杯，係任食嘅。