影片
更多
2016-03-14
1488 瀏覽
之前聽友人話好好味, 不過要一碟碟肉甘叫, 好貴.今次經過見門口MENU 有套餐叫, 好似好抵食, 份量都幾多, 仲包飲品.行落地庫傳來陣陣燒肉味, 原來地方好大好廣, 而且坐得好舒服, 好有私人空間.裝修同一般韓燒店差不多, 都是每枱有個燒爐, 抽煙機筒.發現呢間抽煙都夠力, 當然食完我身係仲有燒烤味.一坐底就有齊韓燒點既醬料, 有醬油, 甜辣醬, 麵豉醬.泡菜款式多而且可以無限任加, 夾肉的生菜同樣任加. 一定超飽.最正係甜甜地既醃洋蔥, 就甘食都好好味, 試過配肉食帶微甜好夾, 烤熱食都同樣甜美.但呢度既泡菜偏乾身而且好辣唔酸. 仲有個湯不過咸左少少. 飲品揀左梨汁及橙汁, 夠大杯夠凍. 而且仲有一大瓶水, 保證唔會口乾乾.當日滿$500送燒酒一支, 我用黎溝梨汁/橙汁, 易入口帶點微酒味, 好好飲.生牛肉拌飯 ($98):未試過生牛肉, 所以叫埋拌飯. 先拌生蛋, 生牛及梨絲, 入口好柔軟嫩滑. 原來冇熟牛甘有肉味.將生牛連拌飯全部搞勻,加左韓國辣醬, 味道同韓式拌飯一樣, 材料爽口, 微甜辣辣地, 好飽肚的拌飯.壹頭牛（牛肉拼盤）2人套餐 + 兩種飲品 ($488):喜來烤
今次經過見門口MENU 有套餐叫, 好似好抵食, 份量都幾多, 仲包飲品.
行落地庫傳來陣陣燒肉味, 原來地方好大好廣, 而且坐得好舒服, 好有私人空間.
裝修同一般韓燒店差不多, 都是每枱有個燒爐, 抽煙機筒.
發現呢間抽煙都夠力, 當然食完我身係仲有燒烤味.
一坐底就有齊韓燒點既醬料, 有醬油, 甜辣醬, 麵豉醬.泡菜款式多而且可以無限任加, 夾肉的生菜同樣任加. 一定超飽.
最正係甜甜地既醃洋蔥, 就甘食都好好味, 試過配肉食帶微甜好夾, 烤熱食都同樣甜美.
但呢度既泡菜偏乾身而且好辣唔酸. 仲有個湯不過咸左少少.
飲品揀左梨汁及橙汁, 夠大杯夠凍. 而且仲有一大瓶水, 保證唔會口乾乾.當日滿$500送燒酒一支, 我用黎溝梨汁/橙汁, 易入口帶點微酒味, 好好飲.
生牛肉拌飯 ($98):未試過生牛肉, 所以叫埋拌飯. 先拌生蛋, 生牛及梨絲, 入口好柔軟嫩滑. 原來冇熟牛甘有肉味.
將生牛連拌飯全部搞勻,加左韓國辣醬, 味道同韓式拌飯一樣, 材料爽口, 微甜辣辣地, 好飽肚的拌飯.
壹頭牛（牛肉拼盤）2人套餐 + 兩種飲品 ($488):喜來烤肉/牛五花/特級牛頸/牛肋骨肉/烤調味牛排骨
牛肋骨肉(上):肥瘦相間平均, 肉味濃有咬口.夾泡菜生菜食一流.
喜來烤肉(中):大片薄身牛肉, 燒一陣就要食, 好有彈性又有肉味.好味
牛五花 (下): 薄薄五層肉, 油脂與肉一層層, 好快燒熟, 好似食緊肥牛, 好油香.
特級牛頸(左上):牛頸肉切得粗身, 肉質腍又嫩滑, 鮮而不羶.好好味
烤調味牛排骨:同牛肋骨味道差不多, 肉質厚身好岩夾著泡菜生菜食.
無限任加芝士蛋漿, 泡菜蛋漿. 加左第二次, 而且食到尾都好飽. 芝士蛋唔算多芝士, 不過比較好味. 泡菜蛋因為太辣, 食落只有辣味沒蛋味.
張貼
