今日又同朋友嚟旺角嘅HeSheEat食lunch
前菜松露蟹肉牛油果墨西哥薄餅相當大件，兩個人食較為合適，薄餅夾住軟嫩入味嘅蟹肉同牛油果，每一啖都令人滿足，俾到驚喜。配埋蕃茄莎莎，健康又好味。
帶子配黑松露忌廉意粉，賣相精緻吸引，帶子煎到出晒油嚟拌上意粉味蕾昇華，加上肉勁嫩滑有驚喜！黑松露意粉creamy順口加上微微嘅蒜頭更惹味～
煎比目魚柳大大件又厚身，賣相好吸引，外皮煎到好香脆，肉細嫩鮮味，夾帶魚油香，配上蜜糖芥末有少少酸減低油膩感，而且白肉配汁係最夾嘅～薯仔好厚實，配上配菜份量豐富
一路影一路勁驚佢塌咗 每1秒都好緊張咁影😂士多啤梨味好香同好重 平時食士多啤梨味 我最驚食到藥水味 佢呢間嘅士多啤梨味都好真實。佢頂頂個士多啤梨係甜嘅 唔會酸。食到底有牛乳奶凍 好正 滑捋捋又好濃牛乳味 一啖食晒奶凍同刨冰 雙重享受！成個都食得我好開心😆 仲有呢個刨冰唔好睇落佢好細個 兩個人食 其實都啱啱好 份量好足😍
