米線樂•麻辣豬骨濃湯 (已結業)

兩小口又出動食米線啦！今次去到長沙灣區一間開左唔喺好耐既米線店。除左湯米線之外，呢到仲有涼拌涼皮可以揀，唔怕夏天食到身水身汗。✨招牌涼伴涼皮單叫涼皮伴有幾種配料，青瓜絲、芫荽同埋乾黃豆，不過黃豆好硬唔喺幾咬得開。涼皮夠凍又夠滑，口感好彈牙，夏天食透心涼！醬汁唔算太辣，幾岩食開小辣既我。✨麻辣墨魚頭墨魚頭爽口唔腥，而且份量都算幾多下，對得住個價錢。個汁既味比較重醋既酸味，當做冷盤食幾開胃。✨蒜泥白肉呢個味道相對失望，因為蒜味唔夠濃又唔夠椒麻味，同埋本身個汁既醋酸味同白肉唔太夾。✨水煮麻辣湯配鴨血肥牛米線男友愛吃辣，呢款水煮湯底夠麻夠辣所以佢都話食得好過癮。鴨血有口感而且唔腥，肥牛味道普普通通，份量就少啲只得兩三片，多幾塊會更好。