影片
更多
2016-05-05
2952 瀏覽
唔知大家拍拖果時有D咩節目呢?行街?睇戲?定係去親親大自然?因為我同男友都好鍾意食野所以發掘美食就成為左我地其中一個最常做既活動今次我地就發現左尖沙咀有間墨西哥餐廳Caliente位於諾士佛臺因為唔係地下果層，所以相對無咁嘈餐廳有室外同室內既座位我地揀左室內既卡位，感覺自成一角D可能餐廳想有情調D，所以燈光都幾暗下不過我就覺得真係太暗，反而令人有D昏昏欲睡既感覺Chips and Salsa (Free)每枱人客都會有既免費粟米片粟米片比一般食既薄身加埋自己製既salsa，食落脆脆辣辣咁係一道幾refresh幾開胃既小食Charred Sweet Corn Salad $68唔好睇佢好似好細碟咁，其實個碟都幾深粟米本身有燒過，所以食落特別甜除左粟米，入面仲有D蕃茄粒、洋蔥粒同菜加埋個青檸汁dressing一放落口，蔬菜既甜味同青檸既酸味係你口腔爆發就算加埋d粟米片食都唔會覺得heavyCaliente Wings – Cajun Seasoning $88其實雞翼除左Cajun Seasoning仲可以揀Chipotle Honey Glazed不過當時想食D辣辣地既野，就揀左Caju
唔知大家拍拖果時有D咩節目呢?行街?睇戲?定係去親親大自然?
因為我同男友都好鍾意食野
所以發掘美食就成為左我地其中一個最常做既活動
今次我地就發現左尖沙咀有間墨西哥餐廳
Caliente位於諾士佛臺因為唔係地下果層，所以相對無咁嘈
餐廳有室外同室內既座位
我地揀左室內既卡位，感覺自成一角D
可能餐廳想有情調D，所以燈光都幾暗下
不過我就覺得真係太暗，反而令人有D昏昏欲睡既感覺
Chips and Salsa (Free)每枱人客都會有既免費粟米片
粟米片比一般食既薄身
加埋自己製既salsa，食落脆脆辣辣咁
係一道幾refresh幾開胃既小食
Charred Sweet Corn Salad $68唔好睇佢好似好細碟咁，其實個碟都幾深
粟米本身有燒過，所以食落特別甜
除左粟米，入面仲有D蕃茄粒、洋蔥粒同菜
加埋個青檸汁dressing
一放落口，蔬菜既甜味同青檸既酸味係你口腔爆發
就算加埋d粟米片食都唔會覺得heavy
Caliente Wings – Cajun Seasoning $88其實雞翼除左Cajun Seasoning仲可以揀Chipotle Honey Glazed
不過當時想食D辣辣地既野，就揀左Cajun
但事後我真係有d後悔
雞翼外皮炸得好乾好香脆
而且肉好嫩，仲有肉汁
但係個Seasoning對我黎講真係太辣
而且個皮炸得太乾身，所以成件事加埋一齊係好熱氣
感覺食完一隻會即刻喉嚨痛
如果你好似我咁，唔鍾意食d咁熱氣既野
可能揀番honey glazed會好d
Taco De Tsuki $98食墨西哥野又點可以唔食TACO呢?
呢到既TACO皮有3個選擇
可以揀硬/軟既Corn Tortillas，或者flour tortillas
而佢地既Corn Tortillas仲係自家製咁話tim
我地當晚就叫左個beef +軟Corn Tortillas
個皮黎到既時間暖暖地，而且食落好軟熟
牛肉完成唔老，而且煮得好入味
加埋d溶左既芝士同salsa
同一時間有幾種唔同既味道同口感mix埋一齊
但最後互相又好融合，真係好好食
*記得唔好放咁耐，凍左真係唔同哂
Fajitas Beef $148另外我地叫左個鐵板牛
其實成件事係有D似中式既青椒牛柳
不過係用西式D既煮法
牛肉本身質素好好，上枱果時仲未熟哂
牛肉好軟腍而且牛味好重
加埋佢吸收哂d椒既香味，真係食到停唔到口
除左就咁食，都可以包埋d牛油果醬，Sour cream一齊食
咁個感覺就無咁膩
另外一提既係，佢d皮(tortillas)真係好好食
雖然好簡單，但可能因為好軟熟
而且好香麵粉味，簡簡單單就咁點醬食其實已經好正
*同樣個牛記得唔好放咁耐，唔食熟左就會老
Mexican Rice $30另外我地仲叫左個SIDE
因為之前食完Moonshine & Po Boys之後念念不忘個Dirty rice
所以想睇下呢到個rice會唔會有幾分相似
咁答案係唔似既，呢個飯反而似印度果d 薑黃飯
但就再加左d蔬菜落去炒
Margarita Frozen (12oz) – Peach $45Happy hour時段有$45一杯cocktail
酒精味唔重，而且係沙冰
而家咁熱飲完就係透心涼
其實之前都介紹過幾似呢D南美呀，墨西哥既餐廳
每一次既經驗都唔錯，而且比較易有驚喜
如果未試過既朋友都唔駛怕會好辣或者好重香料
好多餐廳其實都Modify過去配合我地既口味
所以如果你唔想再食黎食去都係雞煲，西餐
不妨試下南美/墨西哥菜
張貼
