Verde MAR (已搬遷) 新店位置

上個禮拜天氣咁鬼死熱，一直想食d清涼既野舒緩一下~咁岩越朋友行過灣仔見到呢間墨西哥菜就入去試下食個~ 其實我被呢款咁靚既cocktail吸引住...我一直以爲cocktail衹會係drink menu出現...點知原來墨西哥菜裏面竟然有一款作爲菜色既cocktail！賣相好特別不在話下，而且味道一流，cocktail既意思我估係因爲將所有配料放入去搞匀食..味道酸酸甜甜，有d似甜既番茄湯，加埋蝦同其他配料一齊飲口感好豐富好特別。真係第一次試係酒杯飲湯，好特別哈哈！ 個賣相係咪好吸引呢？ 孤陋寡聞既我其實對墨西哥菜認知唔深...一提到墨西哥菜..我都會諗起佢地既脆片！ 我覺得呢款墨西哥脆片唔錯，脆片唔會油膩仲脆卜卜，點埋個牛油果醬好正~夜晚仲約左朋友食飯所以衹可以黎個late tea 哈哈，所以衹可以點d輕食，不過Verde MAR既食物唔錯，特別中意哥哥Mexicana Shrimp Cocktail，好好味呀，完全係夏天小良伴！