但因為去到見到要排隊~而且侍應亦無咩禮貌
於是就再搵第二d野食
行過辣蟹莊，見到佢有d特價
見幾抵下~於是就入左去食
其實耐唔耐都會黎食野
因為本人好好好鍾意食蟹！！
但今次就無叫到呢度好出名既避風塘炒蟹
只係叫左幾個小菜
蒜蓉清蒸扇貝
豉椒炒大蜆
燒汁牛仔骨
避風塘海鮮炒飯
最初以為只可以叫一款特價小菜
但經侍應確認下知道可以試晒兩款~
本以為會變相細碟好多
點知原來無變架~
絕對無將價就貨，抵讚！
而且碟蜆仲無話好多空殼，差唔多每隻都有肉~
牛仔骨亦都好好味~
不過稍為濃味左d~佐飯食會好d
加上今次係用燒汁，有別於平時食開既黑椒汁
所以少左d辣味，會比較易入口
反而碟炒飯就無咩特別~
侍應態度唔錯
換碟亦很快手~一餐飯幫我地換左兩次碟
值得一提既係侍應無因為我地叫平價野而俾面色我地睇~
今時今日呢種服務態度先得架麻！:):)
