翠園 (銅鑼灣廣場) (已結業)

喺希慎道既翠園飲過茶，點心唔錯，見呢間新d，今日試吓呢間。先講裝修，一入門口知客既位置唔算細，客人等位飲茶唔會逼，一望入去感覺好似好大咁，好多檯，尚算闊落。朝早無食早餐，好鬼肚餓，二人點咗梡仁馬拉糕、瑤柱蒸蘿蔔糕（正）、芝麻卷、蟹肉菜苗餃、叉燒酥、合桃糊、煎腸粉等七樣點心。除咗煎腸粉之外，全部點心都合格，OK。好難明，呢間酒樓而家都仲係用推點心車賣點心，可能係佢哋既賣點啩，如煎腸粉呢類點心就要同侍應落order，有d唔方便咁。侍應服務態度唔錯，幾好招呼。