大澳小食

營業中

休息中

食完野休息一陣再行多一個鐘左右就到大澳，這河村風情很美﹗又係睇雜誌報紙，話有一間野尐炸物幾好食，用來送啤酒最好，一場來到當然試試佢﹗呢間叫大澳小食，老闆在門外大賣佢自家即叫即做的香妃卷，相信有來過大澳的朋友都吃過吧﹗好似無線都來訪問過佢地呢﹗一條廿蚊，我叫佢一分為三大家試試﹗粉醬做的薄皮下包著香蔥、菜莆、蛋、香脆蛋散及醬汁，很中國特色的小吃，即叫即做哪會不美味﹗挺好食呢﹗報紙話係呢度既名物，酥炸魚蝦蟹，內有小魚、蝦、蟹仔及瀨尿蝦。炸到脆卜卜的，全部都可連殼食﹗味道講真就麻麻地，炸完出來之後係得個脆字同一朕食油味，如有七至八個人可以整碟當玩吓。