NUTTEA (旺角中心第一座) (已結業)

之前都聽過朋友介紹nuttea好飲，有別於一般既手搖飲品，而且佢係比較健康，用左堅果奶茶，所以純素素食者都一樣飲得，感覺仲好似健康D咁! 叫左佢個伯爵朱古力堅果奶蓋茶，因為有奶蓋，佢比左個剷造型既匙羹仔，職員話可以咁樣試左個奶蓋先再撈暈黎飲，伯爵茶味好濃。唔知關唔關叫左少甜事，飲落甜度冇出面甜到好似糖水咁，成個feel比較輕盈，冇咁膩。另外，朋友叫左杯粉紅荔枝堅果奶茶，杯飲品沖出黎係粉紅色，好靚，好岩打卡啊，荔枝味都好重，又唔會似藥水味。仲有好多款都好吸引，好想試，飲完又冇咁大罪惡感，大家可以一試呀!