NUTTEA (旺角中心第一座) (已結業)

📍旺角分店嘅Nuttea周圍人流好多，所以想停留都有少少困難🥲佢嘅堅果奶用5種堅果而成：夏威夷果仁、腰果、核核、榛果、杏仁，所以飲落特別幼滑，加上粒粒果仁，層次豐富！飲過唔同嘅奶蓋茶，而呢間有別於其他，因係純素，適合唔飲得奶嘅人👍🏻Nuttea嘅野飲可以俾人走冰，啱哂呢種天氣。😃🔻1. 宇治抹茶堅果奶蓋茶鍾意抹茶嘅你，呢款飲落抹茶回甘，有紅豆點綴，又加上鹹鹹甜甜嘅堅果奶，呢個配搭好鍾意😍🔻2. 蘋果脆脆楓糖堅果奶蓋茶蘋果味相對比較淡，同奶蓋一齊飲冇宇治抹茶咁夾，楓糖漿紅茶做底嘅話，建議大家微糖😊🔻店員會俾一個匙羹仔你鏟奶蓋，今次真係飲到盡，飲完一杯好有飽肚感😎不過都提一提大家尾段飲嘅時候小心啲😂奶蓋衝得太快整污糟左件衫。