NUTTEA (旺角中心第一座) (已結業)

上星期去咗旺角，終於有機會拜會呢間Nuttea，聞名不如見面！呢度嘅奶蓋同平時唔同，係用堅果做嘅，飲落去嘅味道就似榛子醬。我同朋友叫咗一紅一綠嘅飲品，健康又好飲。繽紛火龍果奶蓋茶 ($39)呢個茶充滿火龍果，唔係得個樣、勁有果味，一啲都唔吝嗇。我搽嘅嗰一好多，唔係溝晒水嘅感覺。奶蓋都有三份一杯咁多，加埋下邊紅色嘅火龍果茶紋理好靚。店員俾咗個鏟我哋，可以「不」起奶蓋就咁食。如果想飲下邊嘅茶就要整一個窿。宇治抹茶堅果奶蓋茶 ($39)平時飲綠茶最驚啲綠茶太甜，但係朋友試呢個宇治抹茶好重茶味，叫咗少甜就啱啱好啦。奶過一樣都咁多㗎 ！今次試咗少少，下次可以自己飲一杯呢個！