萬芳冰室 (富盈門商場) (已結業)

-萬芳位於大埔富盈門，店舖走懷舊冰室的設計，無論是 餐廳裝修餐牌 食物飲品等等， 都打正懷舊之風。 餐廳環境「扮」古舊，以至燈光不太光猛，但重點係用餐衛生環境十分好，完全不是舊冰室所達到的。-既然來到懷舊冰室就當然要叫懷舊的食物焗雞扒飯先要讚的是落order後，即叫即做，大概等了10數分鐘，誠意十足。配料慷慨，有洋蔥，蕃茄肉，芝士和西蘭花。醬汁濃稠適中，蕃茄味酸得黎也香濃。炒飯蛋絲也挺多，飯粒也炒得夠乾身。雞扒煎得香口。總括來說，5x蚊的價錢性價比高。-凍菊花茶飲品叫了菊花茶， 以玻璃樽送上， 堅持自家製造， 冰涼暢快消暑解渴， 比喝汽水更健康呢。