AZIZA EGYPTIAN AND MEDITERRANEAN CUSINE (已結業)

平時係堅尼地城搵餐廳食lunch，有時會經過一間叫Aziza 嘅埃及菜。今日約左同事一齊去試下。我地都係Lunch time 去試下。佢有四款唔同既Lunch set . 價錢都唔貴。都係七八十蚊再加一。去之前其實都唔會諗到埃及人係食乜，今次一試無妨既心態，我就點左 Koshary with Aziza Kofta ( $65 ) 因為我印象中嗰度食物都係燒烤，比較乾身。叫燒雞實在太危險 XD ( 好驚d 雞燒到乾爭爭) 上到菜， 係一碗有茄汁香草加上一d 白飯魚樣嘅炸洋蔥同埋pasta 同扁豆 ， 賣相一般，食落味道都還可以，茄汁味最濃，加上少少香料調味，羊肉腸就一般，冇乜特別。冇乜羊羶味。 可能因為香料調過味。我食到半路。老闆同我講要拌勻佢一齊先食，佢話正宗係咁樣食法。 哈，咁又幾得意。拌勻左又多左一種口感，因為易d 食到pasta 嘅滑，變左唔會淨係得香料茄汁飯嘅感覺。雖然話成餐唔係話好好味，但我䁷得可以感受到埃及人嘅家常菜，其實真係唔錯嘅體驗。