更多
2021-07-18
728 瀏覽
傳統嘅冬菇亭大排檔喺香港已經所剩無幾，但原來喺長洲仲保留住一個！有長洲嘅老街坊就向我哋推介呢間屹立超過40年嘅蓮香咖啡，餐廳由第一代傳到第二代，八十後嘅老闆放棄文職工作，堅守大排檔情懷，為街坊保留熟悉嘅味道，更新增唔少嘅創意食物，讓大排檔加入青春活力。招牌炸豬扒、香炸雞中翼豬扒同雞翼都係即叫即炸，夠晒熱辣辣！豬扒預先切件，食嘅時候夠晒方便！味道方面，醃得入味，鹹香十足，而豬扒口感非常鬆化，亦保持住肉味，絕對係蓮香嘅招牌名物之一。至於雞中翼非常香脆，咬落去嘅時候，勁多肉汁。沙嗲新鮮牛肉米通沙嗲牛肉同公仔麵係知己朋友，但沙嗲牛肉同米通就好似牛郎織女咁，可遇不可求，因為市面上有米通食嘅地方唔多，難得見到，就一定選擇米通啦！上枱嘅時候，以為牛肉份量唔多，但一路食，先知入面仲有勁多牛肉，相信係煮嘅時候，將沙嗲、牛肉同米通撈勻，令米通同牛肉更索汁。沙嗲當然係主角啦，沙嗲味香濃，仲帶有花生香，原來湯底加入咗好多花生碎粒，所以食嘅時候好有口感！牛肉採用新鮮牛肉，非常嫩滑！至於米通除咗外表索晒沙嗲汁，就連通心嘅部份亦注滿沙嗲汁，真係超滿足呀！沙嗲爽滑豬潤配自家製韮菜餃瀨粉一座建築物，除咗外牆嘅裝飾，地基
招牌炸豬扒、香炸雞中翼
豬扒同雞翼都係即叫即炸，夠晒熱辣辣！豬扒預先切件，食嘅時候夠晒方便！味道方面，醃得入味，鹹香十足，而豬扒口感非常鬆化，亦保持住肉味，絕對係蓮香嘅招牌名物之一。至於雞中翼非常香脆，咬落去嘅時候，勁多肉汁。
招牌炸豬扒、香炸雞中翼
13 瀏覽
0 讚好
0 留言
沙嗲新鮮牛肉米通
沙嗲牛肉同公仔麵係知己朋友，但沙嗲牛肉同米通就好似牛郎織女咁，可遇不可求，因為市面上有米通食嘅地方唔多，難得見到，就一定選擇米通啦！上枱嘅時候，以為牛肉份量唔多，但一路食，先知入面仲有勁多牛肉，相信係煮嘅時候，將沙嗲、牛肉同米通撈勻，令米通同牛肉更索汁。沙嗲當然係主角啦，沙嗲味香濃，仲帶有花生香，原來湯底加入咗好多花生碎粒，所以食嘅時候好有口感！牛肉採用新鮮牛肉，非常嫩滑！至於米通除咗外表索晒沙嗲汁，就連通心嘅部份亦注滿沙嗲汁，真係超滿足呀！
沙嗲新鮮牛肉米通
33 瀏覽
0 讚好
0 留言
沙嗲爽滑豬潤配自家製韮菜餃瀨粉
一座建築物，除咗外牆嘅裝飾，地基都要好穩固。講緊嘅係除咗沙嗲夠香濃，其實本身嘅湯底亦花咗唔少功夫，用豬骨熬製，所以味道夠厚實。除咗牛肉之外，原來豬潤同沙嗲都勁夾！豬潤煮到啱啱好，唔會太老，而且無苦味夠新鮮，口感爽滑。至於韮菜餃係每日自家新鮮製造，餡料豐富，漲卜卜，韮菜勁多。
沙嗲爽滑豬潤配自家製韮菜餃瀨粉
33 瀏覽
0 讚好
0 留言
雪糕芝麻西多士
講到大排檔嘅美食，又點少得西多士呢！西多士上面有牛油同煉奶，因為夏天炎熱，我哋另外加咗雪糕球，令即叫即炸嘅西多士，加添冰火交融嘅感覺。以為有煉奶又有雪糕就一定好甜？店主特別喺西多士入邊加入芝麻，除咗可以中和甜味，更可以令味道有多重層次。
雪糕芝麻西多士
37 瀏覽
0 讚好
0 留言
雪糕菠蘿包
同樣係冰火交融嘅又點止西多士呢？仲有呢個雪糕菠蘿包！菠蘿包外皮超鬆脆，麵包軟熟，熱辣辣嘅中間夾住一球朱古力雪糕。食嘅時候雖然會好論盡，但一層熱、一層凍又一層熱嘅刺激感，真係又high又dirty！
雪糕菠蘿包
25 瀏覽
0 讚好
0 留言
凍檸茶
蓮香出名嘅係奶茶，有唔少街坊都習慣嚟到嘆杯熱奶茶再坐船出中環。可惜我哋都唔飲奶茶，於是就叫咗杯凍檸茶，值得回味嘅當然係濃香嘅茶膽，夠清香又解喝。
凍檸茶
9 瀏覽
1 讚好
0 留言
雪糕紅豆冰
呢度嘅紅豆冰同出邊嘅紅豆冰好唔同，聽店主講佢哋係採用日本紅豆，所以每粒紅豆都大大粒，另外，佢哋刻意減少紅豆蓉嘅比例，以增加紅豆控對紅豆口感嘅執著。最後，上面放上雲呢拿雪糕，令奶香level up，又香又滑。
雪糕紅豆冰
13 瀏覽
0 讚好
0 留言
後記：八十後嘅店主夫婦雖然係二代長洲人，但同一班老街坊依然打成一片，互相問候。所以蓮香為街坊提供嘅除咗係一杯奶茶，蓮香更加係佢哋每日嘅聚腳點，係一個充滿人情味嘅地方。
張貼
