一茶詞 (已結業)

最近好鍾意周圍去飲一啲台式飲品，呢期興！除咗去最出名果幾間試過之外，都有周圍試吓一啲小店！今次去到太子呢一間有驚喜，所以專登寫一篇食評讚下佢！首先位置非常之便利就正正係地鐵站聯合廣場出口！白色裝修清純簡潔，仲有打卡位！售價一般都係二十幾至$30就有一杯，份量屬於大杯的一種！選擇種類廣泛，最重要係有而家最興嘅奶蓋系列！首先我就叫咗杯水果一茶詞，裏面有啲熱情果橙青檸等等生果，比較酸甜的一種！撞埋茶一齊，開胃！不過如果甜多一點點就最好啦！竹炭奶蓋，呢一杯好特別，其實都猶豫左一陣叫唔叫呢杯好，因為唔知竹炭烏龍係咩味道...但係估唔到好驚喜，小小竹炭嘅味道配上少少甘甜嘅烏龍，再加埋面上嘅奶蓋！比平時嘅珍珠奶茶多一份特別嘅味道，簡單來說好飲但係最好飲嘅這個看似平平無奇嘅焦糖珍珠鮮奶，簡單新鮮鮮奶嘅味道，口感十足嘅黑糖珍珠，杯面有剛剛焼過嘅焦糖，仲有一層奶蓋！未到新鮮大有少少焦糖嘅甜味，芝士嘅香味！係我飲過咁多鮮奶特飲，最好飲嘅一杯！