堅韓牛韓燒放題 (已結業)

難得假日，就同朋友黎到旺角食韓燒火鍋放題，岩哂想燒野食既我，又岩想打邊爐既朋友食物種類都好多，呢到主打食韓牛，除左韓牛之外，都有一般既肉類，另外仲有韓國特色前菜同小食，非常豐富除左野食任食之外，飲品都係任飲既，客人可以自助去雪櫃拎我地加左錢要埋刺身同牛肉他他，刺身都係厚切大大片，新鮮肥美。而牛肉他他都係第一次食，好重牛味，味道鮮嫩，配埋雞蛋食，又幾夾喎仲另外叫左份好靚既韓牛，脂肪比例均勻，入口充滿好香既油脂，勁重肉味，肉質好腍飲品方面，都有一d韓國既特色飲品選擇，米槳同乳酪味梳打，味道唔錯，值得試下紫菜飯卷，大細岩岩好，方便一啖食哂，好重麻油香，材料都幾豐富，有蟹柳、蘿蔔同青瓜等等，好爽口我地額外加左個牛助骨,肉質好腍、入哂味，味道濃郁必點美國安格斯肉眼扒，超級大塊，脂肪同肉比例一半一半，燒起上黎好香口，食落好juicy另外都叫左牛仔骨、五花肉、豬頸肉、海蝦同帶子，豬頸肉較為出色，爽口肉味重，蝦同帶子都好新鮮，食落爽口彈牙當然唔少得飯後甜品、唔係一般雀巢，係其他牌子，有我最愛既綠茶味，茶味好出，唔會太甜，為呢餐畫上完滿既句號