天草漁場 (已結業)

渣甸坊有棟新building，開咗間新嘅日式餐廳，天草命名。由於剛剛去完四國，起高知縣基本上每一日都可以食到鰹魚，以佢哋嘅傳統亦都係用天草嚟燒鰹魚。第一次起香港嘅日本餐廳見到同日本一樣用天草去燒鰹魚。主要係燒完表面一陣，再切開，裏面仍然係生嘅，食落有一種好香嘅 禾稈草味，同魚味好夾，呢個就係特色。刺身有吞拿魚腩，肥美好好味。紅酒煮牛脷，牛脷好林好入味。日本野菜盛拌番茄味噌，日本野菜盛再加上味噌，味道好好。天草漁場卷，用青瓜包住蟹肉，上高鋪咗啲魚子，食起來幾清新。炸川海老，燒起嚟較乾身，加少少青檸汁就更嘢味。炸蝦仔，好香口，少少鹹味，令人食唔停口。天草緋扇貝，燒盾得剛剛好，鮮甜味道。鮑魚拌海膽味噌， 鮑魚燒香咗都仲好林身，有幾片放咗起一個混咗海膽嘅味噌醬，少少鹹味但係又唔會蓋過鮑魚嘅鮮味，記得意。好精緻，燒香咗隻雞翼放咗上啲禾稈草上，用個盒裝住好精美、又特別。豚肉柚子烏冬，好特別，食落有種柚子嘅香味。黑醬油飯糰茶漬，第一次食飯糰茶漬，其實只係將飯糰燒過，有啲飯焦去面。沖啲熱茶再加上一啲黑醬油，幾得意味道亦都幾好。甜點係綠茶蛋卷，唔係好甜又好軟熟。