時新快餐店 (已結業)

08.05.29 成班友人去紅館睇林海峰，講真對面 FOODCOURT 真係冇乜野好食，正當諗去邊度食好，友人提議去多次時新，呀~~又幾好主意啵。火車站行到落時新個人已經熱熱地，薯不知入到去仲堅，乜冇空調架，人多舖細熱又迫，加埋小食店特式既半開放式廚房，熱氣騰騰油煙出晒廳真係爽到爆，上身盡濕。重臨此店當然想重溫魚柳飽既滋味喇，兼配同樣既特式沙津醬汁，塊魚大舊咗啵，但何解冇上次煎得咁香脆咯，個飽又濕濕淋淋咁，水準降級。下次黎紅館睇SHOW 又要動動腦筋諗下去邊度食好嘞。