Granville Island Hong Kong (已結業)

姑勿論其他食家嘅食評，亦深知每個人都有唔同嘅食嘢標準，好唔好食，一直都係好個人嘅。今次來Granville Island嘅個人食物體驗，的確令我大失所望。夜晚咁啱喺附近搵朋友食飯，朋友話最近呢間餐廳好多人讃好，於是就決定喺度dinner，嗌咗個鹽焗走地雞，眾所周知，走地雞因為飼養環境，繼而令到其肉質特別有彈性，而呢碟走地雞，一上枱已經有一陣好重嘅鹽味，當時并不多顧慮，心諗可能係調味本身嘅味道就係咁，拎起把刀一切，雞肉結實得有啲over，花咗幾分鐘時間，先順利將隻雞分件，一擺入口，第一口咬落去就知道瀬嘢，雞肉乾爭爭又嚡又難咬，而且仲超鹹，要重申嘅係，本人所食嘅部位係雞髀，呢個部位老實講，好難會咁嚡，皮係就真係幾脆口，但啲雞肉個人覺得好似overcooked咗，成隻髀咬咗幾啖，已經將成杯嘢飲對曬咁滯，今次嘅體驗真係好難相信，一間餐廳，竟然連最基本嘅食物味道質素都唔達標，太令人失望！！！