極尚大喜屋 (加連威老道) (已結業)

放題耐唔耐就食一次，基本上咁多間連鎖放題店，有一半以上都食過。比較下，今次呢間質素係無疑比其他店高出一大折！！！放題黎講最緊要都係刺身、壽司，相信每一個食放題的人第一ROUND都係叫刺身先！呢個賣相都OK，朋友唔食三文魚，竟然一件都無叫俾我，嬲嬲豬小壽司，放題好多間店都怕客人哂野，會配少D飯落壽司度，呢一間都唔例外！特別想講呢個海膽！食日本野最怕就係遇到D唔新鮮的刺身食物，最易出事就係海膽，可以話一試便知龍與鳳！而呢一個係都幾驚喜！SOFAR食咁多次放題，佢的海膽軍艦係我食過數一數二好食。首先，係鮮甜唔腥GE！第二係，紫菜係脆！代表即包！讚！好食！呢個迷你三文魚子手卷都好鮮甜！食左兩件！最愛又必食的花之戀 ！！！壽司都係配返茶好D，哈哈，唔中意飲汽水蟹子沙律係我由細到大食日本野都好中意食GE小點！今次都唔例外一定要叫啊！芝麻雞翼！熱拿拿，外脆內嫩！食左三隻！另外想講一講炸鮮奶，係出奇地好食！唔會太甜，亦食得出係岩岩炸起，味道好正，呢個係少有GE放題食物，所以都推介俾大家要食啊！！牛留粒，都好好食！哈哈，估唔到呢度有口水雞，佢個醬汁一D都唔HEA，唔係D好稀GE辣油，所以都幾好食！嘻嘻