影片
更多
2021-07-30
35 瀏覽
聽朋友講美孚站附近原來有一個秘密花園，入面仲有間好chill 嘅Cafe，趁今日有半日假期決定去潮聖。呢間Cafe原來係喺饒宗頤文化館入面，由美孚站B 出口上橋行過去大概10分鐘，一直都唔知原來有個咁嘅地方，到咗文化館沿途行去Cafe嘅路有歷史文物又有叢林靚景，打卡一流。Cafe嘅外觀非常有個性，入到去嘅格調好文青，感覺好似去左台灣咁，簡單又舒適嘅氣氛令人覺得好放鬆。我哋叫咗秘製龍蝦包配沙律（$88）～ 一上枱見到個賣相已經心心眼，澎湃嘅龍蝦肉配上牛油檸檬汁將龍蝦鮮味提升，麵包係烘過嘅👍🏻配嘅芝麻醬沙律夠新鮮而且份量都唔少，整體嚟講性價比非常高， 十分推介！大廚肉醬意粉（$88）～ 叫得做大廚肉醬意粉當然有啲期望，同樣地賣相都係好靚仔，醬汁面有微微嘅焦香，聽店員介紹呢個醬汁係自家製-用上新鮮蕃茄、甘筍同新鮮牛肉，食落有咬口而且醬汁味道調校得剛好，酸酸甜甜好滋味。飲品有好多選擇，見到d特飲賣相都好吸睛～不過我哋始終鍾情原味咖啡，我哋叫咗Cappuccino（$38）同Iced Latte （$45），估唔到賣相都咁用心，咖啡同奶嘅比例、溫度亦都控制得恰到好處，咖啡控表示好滿意，再加埋件
呢間Cafe原來係喺饒宗頤文化館入面，由美孚站B 出口上橋行過去大概10分鐘，一直都唔知原來有個咁嘅地方，到咗文化館沿途行去Cafe嘅路有歷史文物又有叢林靚景，打卡一流。
Cafe嘅外觀非常有個性，入到去嘅格調好文青，感覺好似去左台灣咁，簡單又舒適嘅氣氛令人覺得好放鬆。
我哋叫咗秘製龍蝦包配沙律（$88）～ 一上枱見到個賣相已經心心眼，澎湃嘅龍蝦肉配上牛油檸檬汁將龍蝦鮮味提升，麵包係烘過嘅👍🏻配嘅芝麻醬沙律夠新鮮而且份量都唔少，整體嚟講性價比非常高， 十分推介！
大廚肉醬意粉（$88）～ 叫得做大廚肉醬意粉當然有啲期望，同樣地賣相都係好靚仔，醬汁面有微微嘅焦香，聽店員介紹呢個醬汁係自家製-用上新鮮蕃茄、甘筍同新鮮牛肉，食落有咬口而且醬汁味道調校得剛好，酸酸甜甜好滋味。
飲品有好多選擇，見到d特飲賣相都好吸睛～不過我哋始終鍾情原味咖啡，我哋叫咗Cappuccino（$38）同Iced Latte （$45），估唔到賣相都咁用心，咖啡同奶嘅比例、溫度亦都控制得恰到好處，咖啡控表示好滿意，再加埋件 cheesecake 就perfect 啦！
呢間隱世Cafe 真係好值得推薦比大家，特別係喺而家冇得出走嘅日子，實在要送一趟簡單嘅旅程比自己放鬆一下😌
張貼
