影片
更多
2013-09-16
25 瀏覽
七月時，收到食店的試食邀請，因為個人有啲事未回覆，直至上星期答應了。我得兩個人去，唔試得幾多款，咪想問問食友有咩精選，之後佢話睇到其他試食朋友的負評，所以唔係好敢去,叫我睇睇，睇完心真係有啲驚驚(•́દ•̩ )..anyway..既然答應了，又唔係好遠，咪去試吓囉。。對於路盲又唔識睇地圖既我好彩帶枝可靠盲公竹Ü,上環落車後，行不到五分鐘就到！店外看，有點像商廈下的小cafe,加上手寫黑板menu,幾 human touch.入到去，店員懇勤的招呼，我們坐下，看看menu就點左本來都想點的沙嗲牛肉公仔麵漢堡同Lounge signature cuppaccino .包先來到是和薯條一起，薯條係鮮炸的，香脆，硬身，加上煙肉碎，無只有食薯條嘅單調感。好！開動了！٩(๑^ω^๑)۶講緊個漢堡吖！但係咁大個包同咁厚，裏面又係麵同太陽蛋，點食好呢。。。又唔係好想問，我地就決定响中間切一刀之後用紙巾包住食。無誇張，食第一啖已想俾個讚佢!初初以為啲面無左啲湯會淡啲，但食落就無呢種感覺之餘，仲沙嗲味濃而不會過咸，流心的太陽蛋放在漢堡包上，其實很配啊,唔會好dry咁，仲有可以將一個“早餐B”一次過食~^O^~
對於路盲又唔識睇地圖既我好彩帶枝可靠盲公竹Ü,上環落車後，行不到五分鐘就到！店外看，有點像商廈下的小cafe,加上手寫黑板menu,幾 human touch.入到去，店員懇勤的招呼，我們坐下，看看menu就點左本來都想點的沙嗲牛肉公仔麵漢堡同Lounge signature cuppaccino .
包先來到是和薯條一起，薯條係鮮炸的，香脆，硬身，加上煙肉碎，無只有食薯條嘅單調感。好！開動了！٩(๑^ω^๑)۶講緊個漢堡吖！但係咁大個包同咁厚，裏面又係麵同太陽蛋，點食好呢。。。又唔係好想問，我地就決定响中間切一刀之後用紙巾包住食。無誇張，食第一啖已想俾個讚佢!初初以為啲面無左啲湯會淡啲，但食落就無呢種感覺之餘，仲沙嗲味濃而不會過咸，流心的太陽蛋放在漢堡包上，其實很配啊,唔會好dry咁，仲有可以將一個“早餐B”一次過食~^O^~呢個漢堡第二個讚响呢個物價同租金同樣高脹嘅時侯，在上環區加上店鋪有少少裝修同坐得舒服，呢個大件頭的漢堡連薯條都係45蚊，價錢相當便宜！
而杯cuppaccino係Lounge signature的，我問店主點解係signature,佢話因為加左糖漿,我追問係咩糖漿，佢話係焦糖味。。。不過唔係好明點解佢係signature嘅。。anyway,味道，濃度同温度都ok,但奶泡略嫌唔夠fluffy同細滑。。.食左啲咸食後，就開始試食甜品，首先我choose左抹茶心太軟，而店員推介左Baileys心太軟同法式焦糖燉蛋.
燉蛋質地軟滑，蛋味濃同佢地用左雲呢拿籽做，好香！而個焦糖面較薄身，甜品師傅話比較多人喜歡薄比較脆，所以佢地咁做。(其實我覺得可以厚返啲啲)，不過整體都好的。(>^ω^<)
兩款心太軟。。。自從自己識得整朱古力心太軟之後，我响出面都絕少點。。不過呢兩款都係我喜歡的味道，真係唔能夠唔點。。先講茶味嗰個先，要我俾分呢個，我會俾9out of 10!!首先食得出佢係用左靚搽茶粉同落得幾重手，我十分受落，但朋友覺得濃到苦。抹茶微甘，流心流得啱啱好而個外層焗得又好，有微微的焦面，恰到好處，配上不太甜的雲呢拿雪糕同有點咬口嘅紅豆，好好味！
最後係baileys味！呢個個味做得好好！保留到baileys味，因為平時無論食baileys gelato/ice cream/dessert，啲 baileys味都像流失左咁，得個甜字。除左保留到baileys未外，我仲欣賞佢個粟米片嘅配答，之前我覺得甜品上放粟米片有點奇怪，總不會點有呢樣野嘅甜品。但呢次改寫了我的睇法，因為有四個層次/感覺出現了：脆，暖，軟，流。。。呢個心太軟個質地同流心無搽茶的效果咁好，一吉落去，就像未打過嘅cream流出嚟同埋唔流嘅蛋糕部份太濕同淋。。。甜品師父話是故意的，一來個material唔同，二來係唔想焗得太脆，因食客食唔切而淋嘅時候，兩種淋法係唔同的。。，後者無咁好。
最後, 覺得呢間小店幾好，試食的食物整得好之餘，店舖環境幾舒服，店員同店主都nice,值得推介。
張貼
