品越越式料理 (雅蘭中心) (已結業)

今日一個人出旺角見客, 行經雅蘭, 諗起品越。中午12點零, 只有幾枱食客。環境好似比早幾個月闊落 (餐枱擺位明顯有改動), 坐落好舒服。旺角真係好少有呢種環境。叫左個$88牛小排生牛河餐, 有小食特飲, 計落唔算貴。服務員好細心將每片生牛肉均勻地鋪上河粉面, 加配菜再淋上滾燙既牛湯, 等上十零秒, 牛肉顏色變為粉紅粉紅, 就可以起筷。負責任地講句: 肉味, 同肉質都非一般生牛河可以比擬! 城中難得一見。