LAB10 (已結業)

長假期又係去朗豪坊買Lego同睇戲的時候，睇完戲無意經過Lab10，看到門口的飲品非常吸引，原來Lab10除了飲野外還有是食燒肉，反正好耐無食燒肉又餓餓哋，就一於入去食燒肉同飲野。士多啤梨香桃沙冰既香甜美味又清涼透心，仲飲到有少許士多啤梨籽，應該以鮮果打成沙冰的，味道一流。熱情果梳打的熱情果味道濃厚香甜，配上有氣梳打是絕佳的配搭。香葱薄切牛舌的份量好大，可以鋪滿成隻碟，而且好新鮮，入口爽滑彈牙，燒肉不二之選。秘製牛護心肉的份量也是很多，厚度適中，肉味濃郁，燒出來入口好滑溜，有少少入口即溶的感覺。秘製豬護心肉也是份量足，燒出來油脂豐富，入口爽脆，肉味香濃。除了單點外，還有和牛、韓牛套餐，見到隔離枱點也非常唔錯，一於下次試試。