影片
更多
2023-05-25
1192 瀏覽
經過中環雲咸街見到開咗一間新嘅型格串燒舖/居酒屋，試吓先餐廳共有兩層，裏面裝修以黑色為主，好有style，仲有一個好靚既bar lounge比人可以食串燒之餘，仲可以飲杯嘢chill吓🍸店舖出名用備炭燒串燒，今次我哋order咗唔同款式嘅食物試吓：Japanese oysters 係來自神户嘅生蠔，好新鮮，配埋酸酸甜甜嘅汁同魚子一齊食，爽口又鮮甜Sakura smoked octopus carpaccio 用咗煙燻嘅形式上碟，octopus 都幾新鮮爽口，而且食落帶有陣陣煙熏味，幾特別Tsukune 係免治雞肉碎整成波形，加埋特製嘅醬汁燒成，撈埋日本蛋黃一齊食，好香口同juicy，而且好有口感，咬到入邊有粒粒雞肉同雞軟骨，必食之選Chicken heart 食得出好新鮮同埋用料好上乘，用埋備長炭燒，鮮味之餘充滿陣陣炭香味，令成個味道再昇華Chicken Skin Gyoza 用咗雞皮嚟做餃子皮，真係皮脆肉滑同外脆內軟，雞皮包得好薄好脆口，而且裏面嘅肉保留左鮮味同好滑溜，真心好好食Mazesoba 裏面有好多配料，例如脆粒，紫菜，木魚，肉碎等等，連埋溫泉蛋同面撈埋一齊食，溫泉蛋個熟度整
店舖出名用備炭燒串燒，今次我哋order咗唔同款式嘅食物試吓：
Japanese oysters 係來自神户嘅生蠔，好新鮮，配埋酸酸甜甜嘅汁同魚子一齊食，爽口又鮮甜
Sakura smoked octopus carpaccio 用咗煙燻嘅形式上碟，octopus 都幾新鮮爽口，而且食落帶有陣陣煙熏味，幾特別
Tsukune 係免治雞肉碎整成波形，加埋特製嘅醬汁燒成，撈埋日本蛋黃一齊食，好香口同juicy，而且好有口感，咬到入邊有粒粒雞肉同雞軟骨，必食之選
Chicken heart 食得出好新鮮同埋用料好上乘，用埋備長炭燒，鮮味之餘充滿陣陣炭香味，令成個味道再昇華
Chicken Skin Gyoza 用咗雞皮嚟做餃子皮，真係皮脆肉滑同外脆內軟，雞皮包得好薄好脆口，而且裏面嘅肉保留左鮮味同好滑溜，真心好好食
Mazesoba 裏面有好多配料，例如脆粒，紫菜，木魚，肉碎等等，連埋溫泉蛋同面撈埋一齊食，溫泉蛋個熟度整得啱啱好，麵條亦都好chewy，食落幾清新
Sake ice cream 食落都幾特別同清新，sake中帶有牛奶味，配埋銅鑼燒一齊食冰火交融好正
配埋兩杯Cocktail同house sake，襯埋啲串燒一齊食，真係超滿足
張貼
