Ghetto Cafe

營業中

休息中

美國街頭風Cafe😝用咗橙色做主題，入面牆壁用咗塗鴉裝飾，所以每一個座位都係打卡位🙈所以入面好多女仔影緊相打卡。貧民窟大魔王漢堡超大個😝份量十足配料有兩塊手打牛肉，每塊都好厚熱辣辣所以塊芝士都係半熔狀態，上面仲有脆薯餅✨煙肉同醬汁洋蔥等，整體都非常好足料。漢堡包鬆軟，而且少少脆，煙肉又唔會太鹹。手打牛肉最正又熱又香肉味香濃，彈真係太大件女仔食唔曬。吉列魚手指呢個小食我最鍾意，因為好大條入面好多魚。炸皮薄脆，食落啖啖肉🐟😙炸雞塊本身以為係麥樂雞，咬落去原來係炸雞粒，但係裏面嘅雞肉肉質比平時嘅嫩滑。我覺得一定要加黑松露醬，甜甜地好香黑松露味，令到炸物更加吸引。炸魷魚圈份量好多好抵食，真係有一大盒！Orange black大推✨ 同平時tonic espresso 唔同，今次係溝橙汁啡冇諗過賣相咁靚，成個飲用過程都覺得好開心🥳因為真係好靚~比例唔錯，唔會太多橙汁太甜。