這家「紅樓 Red House」，名字非常中式，經典裝潢紅噹噹、現代藝術風、居高臨下，少不免供應創意食品以作配合。
1
菜式選擇豐富如普遍的粵菜餐廳，今晚特意挑了兩款點心，招牌叉燒、濃湯浸菜及泡飯等嚐嚐。
香檳金蝦餃 $52
外型攞足100分，粉紅色澤嬌俏，塗上閃耀金箔更高貴，整齊的摺疊，再加上脹卜卜的蜘蛛肚、半透明的麵皮，見樣已經聯想到美味。
入口皮薄而軟，新鮮蝦肉、甜，爽口汁豐，不俗。
珍菌黑松露球 $48
我更加喜歡這個黑松露球，一口咬落非常咸水角的味道，柔軟煙韌，同時有粒粒黑芝麻脆脆口感。
餡料味道豐富，真係幾好食。
黑豚肉叉燒皇(例牌) $188
招牌叉燒，肉質鬆軟，瘦肉之外、有筋有脂肪，所以口感十分好，入味非常，尤其蜜糖味道特別出，叉燒汁豐富黏稠，多多都有。
田園蔬菜－濃湯菜心 $98
靚菜心、爽口青嫩，湯清味足並不太濃，清喝亦可無味精。
濃湯鴨絲泡飯 $268
亮點是鴨香濃郁的湯頭，相當滋味，堂前泡煮，確保炸飯依然脆口，不過還是早落了一點，需快吃。
紅樓招牌炒飯 $138
意猶未盡，再來一個招牌炒飯，顏色多姿材料多元化，矜貴在面頭的梳梳蟹肉，炒得粒粒分明，唔乾唔濕，味道不過鹹，清清地已經足夠。
楊枝甘露 $52
甜點推薦楊枝甘露，賣相如雞尾酒，搶眼的橙色，粒粒果蓉，味道相當討好。
$52
相比之下杞子桂花糕，唔係唔好，做得都幾靚，但輕輕的桂花及杞子香，未能令人留下深刻的印象。
性價比合理，姊妹店「舍」位於 IFC 連卡佛內，供應類似菜式，面對海景環境不同，我有興趣找天再來多嚐幾款創意點心。
