小曼谷泰國美食站

營業中

休息中

泰國菜嚟講，小曼谷都幾出名，成日見人喺網上介紹，嚟到銅鑼灣搵食，今次決定親臨小曼谷一嚐正宗泰菜滋味~😋 小曼谷炒米粉 $138米粉配料豐富，包括蟹柳、扎肉、豬頸肉同蝦，米粉炒得幾有鑊氣，食落調味唔算好重，但越食越惹味，米粉偏幼身同爽身，唔會話炒得太乾身，而且份量都足夠。🥭 鮮芒蟹肉炒飯 $118炒飯同樣吵得幾有鑊氣，而且入面都有幾多芒果切粒，加入芒果粒令炒飯食落甜甜地，再配上蟹肉碎，令炒飯口感更加滿足，個炒飯仲會令人想追食。🍰 泰式千層糕 $49千層糕口感偏軟糯，但亦唔會太淋身，而且重椰汁同斑蘭香味，作為飯後甜品一流，亦為呢一餐泰式晚餐作完美嘅句號。