餐廳菜單選擇多樣化，除左平時見到經典既西班牙海鮮飯，亦有多款Tapas西班牙小食，可以品賞到當地別具風格既特色小食，作為開胃菜都好適合。
而小食方面我地叫薯條同燒薯仔(Potato Bravos)，前者係松露蛋黃醬，後者係芝士蒜辣醬，一粒粒炸薯仔好似一口牛肉咁，粒粒滋味。兩種截然不同既風味都為今餐點綴唔少！另外仲叫左番茄銀魚柳多士，一份有四件，每人兩啖就岩岩好，酸鹹交集，非常開胃。
依個西班牙海鮮飯既配菜同裝飾都好傳統，製作需時30分鐘，係即叫即做！
用左幾種海鮮同豬腩肉做配料，大部分都切細左，撈埋飯食粒粒口感，上面仲有大蝦、青口等多種海鮮，鮮味豐富。再唧啲檸檬汁落去酸甜又清新。
餐廳環境同氣氛都好舒適，之後有朋友聚餐，都會考慮番黎依到放鬆下。
