影片
更多
2023-01-03
86 瀏覽
💎總評分：9.0/10- 朋友喺上環返工，某日發現到呢間新店叫小編一齊嚟試下，睇menu都幾多野食，刺身、炸物、串燒、鍋物都有👀。Weekday off work到達後見半滿座，小編一早book左位就直入餐廳。室內裝修時尚，深色牆磚配淺色地板，屬型格新派居酒屋🍶，放工幾個人嚟食可以坐細枱，兩個人可以坐吧枱望住師傅準備料理👨🏻🍳，多人可以book獨立房間私隱度高D。1️⃣ 宮崎A4和牛他他．海苔天婦羅 $128選用A4和牛質素有一定保證🐮，肉味濃郁，餐廳特別將牛肉切得比一般他他大粒，口感嚼勁十足，伴洋蔥粒加調味恰到好處🧅，加上日本雞蛋嘅蛋黃味超濃郁🥚，攪拌均勻後味道昇華😋！值得一讚配左自家製嘅海苔天婦羅👏🏻，有誠意得嚟更能帶出日式風味。2️⃣ 日本生蠔 (1隻) $188來自日本嘅蠔一般唔會超巨，餐廳入嘅貨已經好肥美🦪。上面仲有帆立貝切片，三文魚籽，加柚子醋調味，與其話係生蠔一隻，更似係一道刺身料理🍽️，一啖多重口感，貴D都值得🤭！3️⃣ 燒物．花膠雞肉棒 $98；鹽燒牛舌芯 $78；汁燒沖繩阿古豬蹄 $68；蒲燒新鮮鰻魚 $68除左Menu上面嘅串燒之外，仲會有daily special🍢！小編一
-
朋友喺上環返工，某日發現到呢間新店叫小編一齊嚟試下，睇menu都幾多野食，刺身、炸物、串燒、鍋物都有👀。Weekday off work到達後見半滿座，小編一早book左位就直入餐廳。室內裝修時尚，深色牆磚配淺色地板，屬型格新派居酒屋🍶，放工幾個人嚟食可以坐細枱，兩個人可以坐吧枱望住師傅準備料理👨🏻🍳，多人可以book獨立房間私隱度高D。
1️⃣ 宮崎A4和牛他他．海苔天婦羅 $128
選用A4和牛質素有一定保證🐮，肉味濃郁，餐廳特別將牛肉切得比一般他他大粒，口感嚼勁十足，伴洋蔥粒加調味恰到好處🧅，加上日本雞蛋嘅蛋黃味超濃郁🥚，攪拌均勻後味道昇華😋！值得一讚配左自家製嘅海苔天婦羅👏🏻，有誠意得嚟更能帶出日式風味。
2️⃣ 日本生蠔 (1隻) $188
來自日本嘅蠔一般唔會超巨，餐廳入嘅貨已經好肥美🦪。上面仲有帆立貝切片，三文魚籽，加柚子醋調味，與其話係生蠔一隻，更似係一道刺身料理🍽️，一啖多重口感，貴D都值得🤭！
3️⃣ 燒物．花膠雞肉棒 $98；鹽燒牛舌芯 $78；汁燒沖繩阿古豬蹄 $68；蒲燒新鮮鰻魚 $68
除左Menu上面嘅串燒之外，仲會有daily special🍢！小編一次試4款，牛舌芯同鰻魚均屬高質素👍🏻，雞肉棒做法幾特別，用原塊花膠包住，再攪拌蛋皇口感味道豐富🍳！豬蹄認真有驚喜🤩，平時已經少見，仲要燒得好淋好入味，必食超推介🫶🏻！
4️⃣ 辛味吞拿魚反卷 $98
Roll嘅選擇反而唔多，都係大眾化款式，小特別在於外層粘滿脆米粒🌾，比平時食到嘅反卷多左一層香脆口感😋。
5️⃣ 宮崎A4和牛壽喜鍋 $338
鍋物賣相別緻，鍋入面已經有蔬菜同豆腐🍲，份量都唔少，調味拿捏得剛好，沒有過甜過鹹情況出現👍🏻。A4和牛一共三大塊，油花好靚，脂肪分佈平均🐂，呢個份量3人share都勉強可以。
6️⃣ 五卵卡邦尼烏冬 $198
「五卵」係指海膽、明太子、烏魚子、三文魚籽、溫泉蛋🥚， 食材配搭豐富，carbonara醬汁好creamy，聽落好濟但其實無想像中咁濃味😉，尤其係佢無加重芝士，成件事唔會好heavy，用烏冬代替pasta彈牙掛汁，fushion得無違和感💯！
餐廳唔係走平價路線，喺上環有反咁上下質素環境同服務，定價正路💰。居酒屋當然少不了sake，店員好有耐性慢慢介紹，師傅又好好傾，最後一齊嚟個cheers🥂，環境偏靜但都感受到居酒屋嘅氣氛🫶🏻。
-
環境服務：⭐⭐⭐⭐⭐
食物質數：⭐⭐⭐⭐⭐
打卡指數：⭐⭐⭐
張貼
