今日又來到中央圖書館附近做嘢，決定去大杭發掘靚餐廳
雖然近年大坑都發展得幾好，多咗好多文青小店進駐
但相對價錢都貴，睇咗幾間最後就揀咗呢間
大門已經好有氣派
係好有懷舊風嘅鐵閘
門口仲擺咗張學校小賣部款嘅櫈，顏色鮮豔，好大對比
招牌喺鐵閘嘅一邊，似乎夜晚會着燈嘅霓虹招牌
由於時間尚早，入到去得我一個客，任坐都得
餐廳入面只有4張枱：1張木製大枱、3張細枱
又係懷舊風嘅摺枱同摺櫈
廚房位有啲細，但裝修都講究㗎
1
食物選擇都好簡單，而且價錢喺大坑來計算好平
研究咗陣，嗌咗泰式手撕雞米線
餐具依然好有舊香港風味
筷子印咗萬壽無疆
碗係藍底白點嘅通花碗
米線嘅湯清甜、米線彈牙
雞肉去皮去得幾乾淨，撈埋泰式辣醬就好惹味
畫龍點睛嘅係啲青瓜絲，清新嘅味道同爽脆嘅口感好特別，但又唔會同個米線唔夾
好味！
