Amusement Eatery (已結業)

今晚四圍行搵食，見到這裡有間唔錯嘅餐廳，在新舊交替環境中真係好大對比，新場地下，大大個發光照排吸引了走過去，裡面有用上了不同顏色嘅光管做出嘅語句型做了不同氣氛！餐廳有室內位置亦有室外位置，今晚就坐係室內位置，座位都闊落舒適！落單可以利用枱上嘅qr code 落單，方便快捷！先點了個西班牙伊比利亞豬串燒，配埋枝Sapporo Beer，絕對係享受人生休閒組合，西班牙伊比利亞豬串燒一串有兩件厚身嘅豬肉，廚師控制得十分精準，燒得十分之香，外面剛好，咬開裡面充滿肉汁，口感十足，配埋個特製醬汁，已經覺得今晚選擇正確！加埋枝冰凍Sapporo Beer，夠晒透心涼，原全係消暑佳選！主食就北海道帶子&三文魚子墨魚汁海鮮意粉，賣相精緻，用上墨魚汁煮嘅意粉，入口十分煙韌彈牙，口感十足，加埋三文魚子在口中爆開嘅感覺十分好味，黑白分明嘅北海道帶子正正在個意粉中心之上，入口鮮味彈牙，絕對係推介之作！最後點埋個甜品巨型日本雪糕新地，用上了一隻大大嘅杯盛上了香滑嘅新地雪糕之餘，內有朱古力脆脆同埋一些果肉，感覺清新，味道十分配合！今晚絕對滿意這裡環境同食物質素！