炙・宴 (V City)

營業中

休息中

未坐低，已經俾門口個呀姐搞到無胃口。我無帶袋拎住枝枝裝茶，無諗過要係餐廳飲. 但一入去，帶位個呀姐已經「外來飲品唔可以係度飲，陣間麻煩放埋一邊」🤷🏻‍♂️乜料？如果我攞住杯插左飲管既珍珠奶茶，你有合理誤會我無所謂。但我只係拎住一支樽裝茶。坐低第二句就係「留意番用餐時間60分鐘」其實，我好似坐緊food court 咁，你真心覺得我想坐耐啲？未叫野已經令人好不悅。叫完野，佢將個餐牌擺喺我背脊度既椅背上面。其實，你真係冇個好啲嘅位放餐牌咩？再望一望張枱，每張枱都係兩支牙籤。成件事都好小家。個顧客咩都未做，就驚你嗌嘢嗌唔夠、驚你坐得耐、驚你偷牙籤。食物質素好過吉野家少少，唔會補救得到店員既無禮。一食完放低筷子10秒都無就衝過黎問都唔問就收走啲野。其實做咩者？有咁趕咩？用OpenRice咁耐，未試過嬲到要上黎打食評。我唔會2個人比三百幾蚊要求你有水準，但亦唔會諗住係食緊快餐店。成餐飯半個鐘都無就走左。坐多一秒都覺得唔舒服。真心，快啲執左去free 番個鋪位俾其他餐廳。