影片
更多
2014-10-13
2724 瀏覽
同蘿拔仔去完歐洲半個月，返黎超想食中菜！上海菜一向都係我地心水，又見到呢排有人氣既八色小籠包，所以呢個星期六12點就到達利舞臺既樂天皇朝！去到竟然唔使等位呢！入面既座位十分多，裝修甚有中國風，中間還有一條長形的水池，非常華麗！Menu內的菜色選擇的確不少，小食、飯面、包點、甜品等等都應有盡有，當然八色小籠包是每檯必叫的了！首先來到的是涼拌海中寶，材料有海蜇、魷魚、蝦、青瓜絲等等，配以醬汁調味。可惜，蘿拔仔動手想撈的時候，發覺蝦上面有條好長既毛，就叫來侍者希望更換。侍者第一句就說：我見唔到。Ok！你基本上離碟野十丈遠你話見唔到，我地跟住唔出聲，佢就惟有收返碟野，在加多句：幫你入廚房搞搞佢。WHAT？咩叫搞搞佢？？？聽完呢句仲驚。不過好彩最尾出黎個碟野係新既（有無加料唔知）。由於黎左小籠包怕冷掉，所以碟涼拌就比我地暫時擱置一邊。點知同一位侍者又走埋黎話：幫你撈撈佢。 我地未來得及反應之前，佢已經拿起碟邊既刀叉，一野反轉個堆海蜇，撈完，走左。我同蘿拔仔真係頓時O嘴兼無限量滴汗……..同場加映隔離檯一位燥底阿姑，問個位侍者佢又完全答唔到野，嬲到叫佢唔使再解釋任何野。講返小籠包，顏色非常鮮豔，頓
入面既座位十分多，裝修甚有中國風，中間還有一條長形的水池，非常華麗！
Menu內的菜色選擇的確不少，小食、飯面、包點、甜品等等都應有盡有，當然八色小籠包是每檯必叫的了！
首先來到的是涼拌海中寶，材料有海蜇、魷魚、蝦、青瓜絲等等，配以醬汁調味。可惜，蘿拔仔動手想撈的時候，發覺蝦上面有條好長既毛，就叫來侍者希望更換。侍者第一句就說：我見唔到。Ok！你基本上離碟野十丈遠你話見唔到，我地跟住唔出聲，佢就惟有收返碟野，在加多句：幫你入廚房搞搞佢。
WHAT？咩叫搞搞佢？？？聽完呢句仲驚。不過好彩最尾出黎個碟野係新既（有無加料唔知）。由於黎左小籠包怕冷掉，所以碟涼拌就比我地暫時擱置一邊。點知同一位侍者又走埋黎話：幫你撈撈佢。 我地未來得及反應之前，佢已經拿起碟邊既刀叉，一野反轉個堆海蜇，撈完，走左。我同蘿拔仔真係頓時O嘴兼無限量滴汗……..同場加映隔離檯一位燥底阿姑，問個位侍者佢又完全答唔到野，嬲到叫佢唔使再解釋任何野。
講返小籠包，顏色非常鮮豔，頓時令人食欲大增！一位帶非常重大陸口音的部長還專程介紹每一種味道，提醒只有原味跟蟹粉小籠包兩款需要蘸醋。樂天皇朝的小籠包皮不算薄，幸好湯汁足夠，大力點咬湯汁還會飛出來呢。原味：肉味不算很濃，整體算是中上
蟹粉：沒有多感覺到蟹膏，有一點點的甘香，蟹味可以更濃。
蒜味：非常濃烈，喜歡蒜味的朋友可能會很喜歡，但太濃烈反而蓋過肉的清甜呢。
人參：這個算是不錯，嘗到人參未但不苦，有點韓國風味呢！
芝士：只是片裝芝士的質素，跟小籠包非常不配。
黑松露：甚有菇香，當然你不會期待是高質素的松露，還可以的！
鵝肝：蘿拔妹最喜歡的一種，非常有油香，整個小籠包味道也提升了呢。
麻辣：就是平時吃魚蛋粉落辣油那種味道。
吃罷小籠包，終於試試那經過一波三折的涼拌海中寶。海蜇、蝦跟魷魚基本上係無味，可惜調味的醬汁一味得個酸字，吃到打冷震。這個可以說是非常難吃，還要68蚊。
鍋貼算是比較令人滿意！皮雖然都不算薄，但是煎得酥脆又不油膩，湯汁不少，夠熱，蘸上少許醋是很好吃的！
豬肉卷豬骨湯拉麵是看見不少食評推介才叫的，可惜，比起一般上海店的拉麵遜色多了。豬骨湯不濃（比起翡翠拉麵小籠包的雲吞雞湯更淡），拉麵太過腍，豬肉卷雖然有豬味但非常多筋。反而竹笙夠爽脆又吸收湯汁，是一大驚喜呢！配上的溏心蛋有點兒太熟，但是嘗到不錯的醬油味！這拉麵值得一讚的是真的很大碗，說到分量你是絕對不會不滿意的。同場再加映隔離檯有兩位ABC問另一位侍者餐廳有什麼招牌菜，佢竟然答：我返左工無耐唔係太清楚！WHATTTT？？？？首先熟讀餐牌是你的責任，就算入職兩三日你都會知道有哪幾款菜色最多客人叫吧！小朋友，尊重你的職業等如尊重自己。而驚嚇的地方還有 – 幫我地撈海蜇那位侍者經常陰陰嘴笑在你附近經過，異常恐怖。佢係我地隔離檯抹檯，完全頂住一位客人返去個位，佢重可以抹多5分鐘都未發覺個位客人企係道睇住佢抹檯。Oh God，做侍者請一眼關七，照顧客人的需要。
最尾忍不住想食埋其他食評推介的甜品 - 檸檬蘆薈桂花杯，完全係一個伏！一杯超甜超甜既凍糖水，泡著無味的蘆薈，不爽口，差過罐頭糖水蘆薈！檸檬味？無！桂花味？無！
同隔離檯燥底阿姐一樣：我唔會再黎！（當然我倆比較平靜）。蘿拔兔自問食野唔算挑剔（可看看我們其他食評），但這間上海菜價錢完全同質素不相符！同埋個位陰陰嘴笑既侍者，你既笑容在我腦海陰魂不散，好-恐-怖！
張貼
