影片
更多
2018-01-07
262 瀏覽
呢間「餐廳」真係唔好去食，黃埔店員工態度極差！！！！早係三個星期前已經book左位12月31號食飯慶祝老豆生日。當時問佢食半圍使唔使而家落定order先（因為book左8點半入席驚無哂乳豬），接聽個個話到時先落就得。咁好啦⋯⋯去到當日8點鐘去到，同佢講我地人到左，佢問我小菜定火鍋，我話$1488餐，接待個位就話咁我幫你留起隻豬先唔係一陣無哂。等到8點20分左右就入左去，個短頭髮男經理同個執枱阿姐講話「呢張枱我搞」，就問我小菜定火鍋，我又講多次$1488餐，之後佢問完飲咩茶就走左。啲茶黎哂，菜牌又無放低，咁我地就係度等野食啦。等左15分鐘（預你假期比較忙），先問一問阿姐幾時上菜（因為我地5個人叫左半圍，我媽都驚佢以為我地未齊人就唔上菜），阿姐話幫我跟跟。又等多15分鐘，成枱都唔耐煩，舉手叫另一個戴眼鏡既男經理，叫佢跟一跟，佢就咁一句「喔」，之後係無做任何野，繼續做自己野🤷🏻♂️老豆已經拍枱叫走，我男朋友又走去問阿姐話等左半個鐘啲野食都未黎，阿姐話等半個鐘頭好正常喎🙄🙄又話已經黎緊。之後阿姐行開左，走返返黎問阿姐：頭先邊個幫我地落單？我：短髮無帶眼鏡個男經理男經理：唔係我我：當時你話呢張枱
早係三個星期前已經book左位12月31號食飯慶祝老豆生日。
當時問佢食半圍使唔使而家落定order先（因為book左8點半入席驚無哂乳豬），接聽個個話到時先落就得。咁好啦⋯⋯
去到當日8點鐘去到，同佢講我地人到左，佢問我小菜定火鍋，我話$1488餐，接待個位就話咁我幫你留起隻豬先唔係一陣無哂。
等到8點20分左右就入左去，個短頭髮男經理同個執枱阿姐講話「呢張枱我搞」，就問我小菜定火鍋，我又講多次$1488餐，之後佢問完飲咩茶就走左。啲茶黎哂，菜牌又無放低，咁我地就係度等野食啦。
等左15分鐘（預你假期比較忙），先問一問阿姐幾時上菜（因為我地5個人叫左半圍，我媽都驚佢以為我地未齊人就唔上菜），阿姐話幫我跟跟。
又等多15分鐘，成枱都唔耐煩，舉手叫另一個戴眼鏡既男經理，叫佢跟一跟，佢就咁一句「喔」，之後係無做任何野，繼續做自己野🤷🏻♂️
老豆已經拍枱叫走，我男朋友又走去問阿姐話等左半個鐘啲野食都未黎，阿姐話等半個鐘頭好正常喎🙄🙄又話已經黎緊。
之後阿姐行開左，走返返黎問
阿姐：頭先邊個幫我地落單？
我：短髮無帶眼鏡個男經理
男經理：唔係我
我：當時你話呢張枱你跟，你話唔係你？😡
原來，個男經理一路都無落過單，成班人坐係度餐牌又無，眼見呢張枱無單，又坐左咁耐枱面都無野食咁坐左係度最少都半個鐘都無行過黎問下？！叫你地班人跟，又唔跟！當我地係搞事既客呀？！
男同女職員都唔理客人，無服務可言，又講大話，如果第一次叫你地去跟就跟，我地成枱人就唔使白坐左係度咁耐啦。仲要係慶祝老人家生日搞到成晚成家人都唔開心😡😡
建議大家一係唔好去食，一係叫完野食就每5分鐘催佢一次，以免啲人又唔做野又做漏野。
當晚周圍又爆哂人，最尾去左茶餐廳食飯，真係好很謝龍閣幫我地成家人過左一個咁難忘既生日飯同除夕夜👎🏻👎🏻👎🏻👎🏻👎🏻👎🏻👎🏻👏🏻👏🏻👏🏻👏🏻👏🏻👏🏻
張貼