Green Common (QRE Plaza) (已結業)

潮流兴健康饮食，今日见到呢间素色健康店burger做半价做到5月4号，于是走过嚟试下。首先要做会员，登记左资料之后先至有优惠。但讲真呢度服务真係非常差。入到去冇人俾餐牌比你，亦都冇人理你，服务员完全懒懒闲。原来要自己出去点餐，噉点解冇服务员出声提醒呢？出到去点餐做会员，返到座位先见到原来做会员有优惠卷送。但做会员嘅时候完全冇讲，咩呢D优惠唔係 standard嘅咩?要自己问先有嘅咩?简直不知所谓。点咗未来汉堡delxue同鱼露炒杂菜。其实味道还可以。虽然块汉堡唔係真汉堡肉，但口感非常似。鱼露炒杂菜味道还可以，清清淡淡，好适合减肥人士。整体嚟讲係唔错。而且餐厅内附有超市可以买好多素食嘅材料。