火山燒 (已結業)

一行5人落左訂後黎食，心諗openrice咁多正皮實靠得住，點知伏一個一個地中，一個比一個深。首先2個鐘食放題已經好趕，呢度仲要自己燒，實好趕啦。5個人食個爐仲細過巴希雅。好喇拿拿聲落order...啲野等左15分鐘先黎。快快手燒。但個爐竟然慢到無人有，仲衰過pan fried...燒串牛竟然要15分鐘。各位，咁就無左半個鐘，即系1/4時間，用左30分鐘先食到一串牛。。。呢個時候果位女經理走埋黎好唔耐煩咁教我地「你地咁樣唔得架，排密啲。唔好咁快落醬，落左醬點知佢熟唔熟呀。燒完一邊先轉丫嘛，唔系燒成晚都唔使食架喇。。。」態度極差，好似當我地白痴咁。好心你n咁多guideline就整張教學俾人啦…我識條鐵咩，俾300蚊食放題仲要被你鬧，咩事先。but anyway用左佢方法都唔見得燒野有起色，都系15分鐘先完一轉。我好奇怪呢度咁多位食家加左88蚊set...你地燒唔燒得哂？啲生蠔吽系個爐度慢火炆到勁樣衰，又出黃色水，燒到變蠔屎咁細隻都未熟。青口仲燒到變青色。呢個時候我地問問女經理啲海鮮做乜會出黃色水又變青。佢竟然答我地話由於我地呢個只系值300蚊既放題，你可想而知系會得雪藏野而唔系新鮮野。