金域冰廳

肚餓係路邊見到呢間野，人唔係好多，入去叫左個咖喱牛腩飯同海南雞飯。
首先講海南雞飯，就得個3塊雞，皮仲肥過肉，油飯得個雪櫃味，食到想嘔。叫咗杯熱華田，得個水味，比例完全唔啱，飲咗兩啖飲唔落。
然後個咖喱牛腩飯，啲咖哩又水又無味，牛腩仲誇張，就得三四塊，其餘全部係牛筋，勁難咬，d肉根本無味，似白灼完就淋啲汁上去，啲薯仔顏色都唔啱，食落去仲係臭嘅。
總之體驗非常差，仲要價錢唔平，第一次食就中伏，垃圾餐廳冇下次。