茶屋町 (長沙灣道) (已結業)

門口的招牌和瓦磚有日本的風味， 門外的餐牌又有多款吸睛的甜品。一進店舖內，有一邊係火車的窗口，餐牌上面有鹹點甜點。海膽松葉蟹肉意粉我哋坐著火車食便檔， 但係呢個係一個精美的便當，個蟹蓋入面有一啖啖的蟹肉，而意粉全部係海膽味，亦都有一啲醋的酸味，所以好開胃。而右上角的海藻沙律好特別，味道唔錯。布丁燒共有三層，面頭係焦糖，中間係雞蛋布丁，最底層係芝士蛋糕。 整個布丁燒唔會太甜，最值得讚的係芝士蛋糕點咗焦糖汁之後都唔會濕，芝士蛋糕仍然保留咗佢好結實的口感。 每日仲係限量發售！茶屋宇治金時綠茶味好濃，雪糕好滑，丸子煙韌，入面亦都有一啲啫喱淡淡的，配咗紅豆同埋底層的脆米好香。每一層都會有一個驚喜。