南洋麵屋 (已結業)

最近好鍾意搵一啲小店食吓飯，原因係小店做嘅菜式會比較用心。今次同朋友試吓呢一間小店，門口清楚睇到餐廳入邊多唔多人，咁就唔使擔心好逼。餐廳嘅裝修都好簡約，而且用色都純色，坐落去都幾舒服，啱晒約朋友傾吓計食吓飯。餐牌用插畫嘅形式表達，唔會好沉悶。都算係餐廳嘅特色之一。點了一份海南雞飯，連埋一碗青蘿蔔湯。分量非常充足，而且仲係好香嘅油飯添！海南雞有我最愛嘅雞髀同雞翼，平時要食雞髀係要另加錢，但係今次竟然有雞髀食添啊！啲雞唔會好硬、好難咀嚼，反而仲好滑添！小食方面點左一個炸蝦餅，蝦餅係新鮮炸嘅，上碟嘅時候仲出緊煙。咬一啖唔會好粉，而且啲蝦肉仲好平均。最後梗係要點返一杯特色飲品啦，今次試吓呢度嘅椰汁冰，椰汁味好重，但有唔會好膩，正呀！