金御海鮮酒家 (胡社生行)

我同朋友每月一次的聚會，通常會揀旺角，貪佢夠方便，今個月揀左金御海鲜酒家。

這間酒家人不多，易揾位，所以決定上去食，可以同朋友倾偈。

我地叫左4碟餸，有上湯浸豆苗、红燒海皇豆腐煲、蒸魚及蒸鮑魚。

最好食是豆腐煲，豆腐淋，味濃不咸，又有配料。

上湯浸豆苗不錯，菜多，但比較油。

蒸魚剛剛好，我地連魚頭都食埋，只餘下魚骨。

蒸鮑魚比較差，無味，细舊。

過左無幾耐，酒樓的人越來越多，竟然坐無虚席，生意不錯，下次可能要先訂位，否則可能會無位。